Awtorizzazzjonijiet u tnedijiet nazzjonali dwar il-Bt11 u 1507

Għażiż Ministru George Pullicino,

Hawn ħafna deċiżjonijiet kruċjali rigward il-kultivazzjoni ta’ prodotti ġenetikament modifikati li għadhom pendenti f’livell Ewropew. Dawn jista’ jkollom ċerti konsegwenzi fil-futur fuq l-ikel tagħna, fuq saħħitna, kif ukoll fuq l-ambjent.

Il-Kumissjoni Ewropeja proponit lil Awstrija, lil Ungerija, lil Franza u lil Greċja sabiex ineħħu l-miżuri tagħhom kontra Monsanto maize MON 810, l-unika prodott ġenetikament modifikat li huwa permess jiġi mkabbar ghall-koltivazzjoni fl-Unjoni Ewropeja. Tnejn u għoxrin pajjiz Ewropew ċaħdu l-aħħar miżuri li jimponu lill-Awstrija u lil Ungerija biex ma jħallux prodotti ġenetikament modifikati jibqgħu jiġu mkabbrin.

Il-Kummissjoni Ewropeja qiegħda tiproponi wkoll l-approvazzjoni ta' żewġ tipi ta’ qamħirrun ġenetikament modifikati (Syngenta Bt11 and Pioneer 1507). Dan jista’ jitqies bħala l-ewwel approvazzjoni tal-kultivazzjoni ta’ prodotti ġenetikament modifikati fl-Ewropa sa mill-1998.

Kull ma jmur wieħed jinduna li:

• l-evidenza xjentifika li dejjem qiegħda tiżdied turi biċ-ċar li prodotti ġenetikament modifikati jistgħu joħolqu konsegwenzi koroh li mhux faċli li wieħed ikollu kontroll fuqhom u li dawn jistgħu jkunu ta’ detriment għas-saħħa kif ukoll għall-ambjent.

• dawn iż-żewġ varjetijiet ta' qamħirrun li ħa tivvota għalihom huma veramanent kontroversjali. Hemm ħafna riskji u incertezzi dwar il-periklu li jistgħu joħolqu fuq l-ambjent u fuq is-saħħa tal-bniedem u l-annimali. Dawn il-prodotti huma ġenetikament modifikati għaliex jiproduċu t-tossina Bt li tiperikola speċi bħal ma’ huma friefet u nsetti li jagħmlu ġid lil ambjent, u anki lil ħamrija u l-ekosistema akwatika. Huma wkoll reżistenti għall-‘herbicide’ partikolari - li ser titneħħa minħabba regolamenti ġodda ta’ l-Unjoni Ewropeja fuq il-pestiċidi.

• Dawn l-aħħar snin, diversi ġurnali xjentifici ikkonfermaw li hemm diversi effetti detrimentali fuq l-ambjent minn ħxejjex ġenetikament modifikati li huma reżistenti għall-insetti, speċjalment jekk jitkabru f’ammonti kbar fl-Ewropa kollha.

• Minn informazzjoni ta' kontaminazzjoni u studji xjentifiċi jidher li ħxejjex ġenetikament modifikati ħa jpoġġu f’riskju l-biedja konvenzzjonali u dik organika. U aktar, peress li ma hemmx liġi komuni fl-Unjoni Ewropeja fejn tgħid li kumpaniji agrokimici huma obbligati li jħallsu ghall-ħsara li ssir lil bdiewa li ma jkabbrux ħxejjex ġenetikament modifikati. Fi kliem iehor, min iniġġes mhux obbligat li jħallas lil bdiewa affetwati negativament.

• F’ Diċembru tas-sena li għaddiet, 27 stat membru, unanimament talbu reviżjoni tas-sistema li tapprova s-sistema li jaħdmu biha dawn l-organizzazjoniijiet ta’ prodotti li huma ġenetikament modifikati. B'mod partikolari, intalab li jsir tibdil sostanzjali fuq ir-'risk assessment' tal-prodotti ġenetikament modifikati, fuq l-armonizazzjoni tal-prodotti ġenetikament modifikati, fuq ir-'risk assesment' tal-pestiċidi, fuq l-konsiderazzjoni ta’ l- aspetti soċjo-ekonomiċi, kif ukoll fuq il-karatteristiċi ambjentali lokali u agronomiċi; u fl-aħħar u mhux l-inqas

• l-proposti kurrenti tal kummissjoni li tkabbar l varjetajiet Bt11 u 1507 GM maize u li timponi lill-pajjizi differenti li jkabbru MON 810 jkun juri b’mod ċar il-kontradizzjoni fil-mandat tal-Istati Membri.

Nixtieq nitolbok tivvota kontra dawn l-proposti tal-Kummissjoni u li publikament tiddikjara l-posizzjoni u l-intenzjoni tal-vot tiegħek fuq dawn is-suġġetti relatati ma prodotti/ħxejjex ġenetikament modifikati.

Dejjem Tiegħek,